Charles Ponzi - namnefar til ein klassiker til glede for stadig nye generasjonar.

Dagbladet kan melde om endå ein gjeng sparar som er svindla, etter at TA-Invest gikk over ende.

Dette minner ekstremt mykje om klassikaren Charles Ponzi starta tidleg på 1900-talet, i USA. Ta imot pengar, lov ut ekstrem rente. Når folk ber om å få pengane tilbake gjev du dei faktisk pengane tilbake, slik at du verkar truverdig. Haken er bare at du betaler tilbake med pengane du har fått inn frå nye investorar. Det krev altså at du har rimelig mykje inngåande penger…

Når det først kollapser så går det kjapt, så tricket er vel å ta pengane og komme seg unna før det kollapser, noko dei her ikkje har gjort ser det ut til.

Eg seier ikkje at dette er Ponzi-scheme, men det minner skremmande mykje om Ponzi-scheme. Betal tilbake når investorer spør. Lov gull og grønne skoger.

Det er nesten rart kor naive folk er, som går inn med så store summer i ein organisasjon som ikkje viser dokumentasjon på investeringene dei gjer, og på at pengane framleis finst. Det enkle memet “Om det høyrest for godt ut til å vere sant, så er det mest truleg det” gjeld framleis. Men akk. Grådigheita varer nok lengst.